Papa, anak operator sa drug den

Amahan, anak gilumpong og pusas / TAMPO
Amahan, anak gilumpong og pusas / TAMPO

Amahan ug anak nga nag operate og drug den, ug laing usa ka tawo, nadakpan sa buy-bust sa Philippine Drug Enforcement Agency (PDEA 7) ug Negros Oriental Police Provincial Office uban sa 705th MC Regional Mobile Force Battalion 7 sa Larena Drive, Brgy. Taclobo, Dakbayan sa Dumaguete, alas 3:04 sa Lunes sa hapon.

Ang mga nadakpan mao silang Roderick Laro, 54, usa ka electrician ug ang 32 anyos nga anak nga si Patrick.

Lakip sa nadakpan mao si Arturo Cortezano, 56, street sweeper sa dakbayan sa Dumaguete.

Nakuha sa mga operatiba ang lima ka mga pakete sa gituohang shabu nga dunay gibug-aton nga 6 gramos nga mobalor og P40,800 ug buy bust money, lakip na ang mga drug paraphernalia.

Matod ni Leia Alcantara, information officer sa PDEA7, nga nakadawat og impormasyon ang ilang buhatan sa Negros Oriental gikan sa concerned citizens labot sa maong drug den.

Tungod ani ilang gipaubos sa tulo ka semana nga case buildup ug nasuta nga makabaligya ang amahan ug anak og 20 gramos matag semana.

DALAGUETE

Mga sakop sa Municipal Drug Enforcement Unit sa kapulisan sa lungsod sa Dalaguete, habagatang Sugbo, nakadakop sa ilang buy-bust og high value individual sa ilegal nga drugas.

Ang suspek nasakmitan og 5.12 gramos sa gidudahang shabu nga may gibana-banang standard drug price nga moabot og P34,816 ug .45 kalibre nga pistola nga dunay mga bala.

Ang operation sa kapulisan ug PDEA nisangko sa pagkasikop ni alyas Intoy, minyo, taga Sityo Upper Village, Brgy. Cawayan, Dalaguete sa alas 11:45 sa buntag sa Martes, Hunyo 4, 2024 sa Sityo Dunggo-an, Brgy. Cawayan, Dalaguete Sugbo.

Ang suspek taudtaud nang na validate sa mga sakop sa MDUE apan gihulagway nga idlas. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph