Papa misaulog sa Father’s Day sa prisuhan

SunStar Cebu City
SunStar Cebu City

Sa prisuhan nagselibrar sa “Father’s Day” qng 64 anyos nga amahan human pasanginli nga nanghulga sa kapuyo sa iyang anak nga babaye alas 7:40 sa gabii sa Biyernes, Hunyo 14, 2024 sa Sitio Laguna, Brgy. Bulacao, Dakbayan sa Sugbo.

Si Rogelio Viadog,64, min­yo, panday, gipadakop sa iyang anak ug kapuyo kay giingong nag-wild ug nanghulga gamit ang kutsilyo samtang giingon nga hubog.

Si Rogelio giingon nga hubog nga nisulong sa panimalay sa iyang anak, gipangita ang kapuyo samtang giingon nga nagdala og kutsilyo.

Giingon nga nasuko ang suspek kay giingon nga gipatiran ang iyang itoy.

Giingon nga nisulod sa gate sa panimalay sa iyang anak si Rogelio kay giingong patyon ang kapuyo atubangan sa iyang anak ug mga apo.

Ang pamilya nakapanawag og assistance, ningresponde ang tulo ka mga tanod ug napusasan ang suspek.

Ang kapuyo ug iyang anak nga babaye ningreklamo og qualified trespass to dwelling.

Tungod niini, nakatulog ang suspek sa Inayawan Police Station gikan sa Biyernes sa gabii hangtod sa Dominggo sa gabii, apan nakagawas sa alas 2 sa hapon sa Lunes, Hunyo 17, 2024.

NAGLAGOT

Si Rogelio nga nahinabi sa Superbalita Cebu nagkanayon nga naglagot siya sa kapuyo sa iyang anak.

Siya niasoy nga nakainom siya og duha ka mga botelya sa Red Horse. Gipahibalo siya sa iyang asawa nga gipatiran ang iyang itoy nga si “Whitey” sa kapuyo sa ilang anak.

Nanghimakak siya nga nanghulga sa kapuyo sa iyang anak./GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph