Ang mga world-rated nga boksidor nga sila Vince Paras ug Reymart Gaballo mao ang protagonists sa exciting nga boxing event nga i-promote sa Sanman Promotions sa General Santos City karong Hunyo.
Si Paras magkigbatok kang Sarawut Thawornkham sa main event alang sa IBF Pan Pacific super flyweight title sa Hunyo 29, 2025, sa Venue 88, samtang si Gaballo mag-away batok kang Thanakorn Suwannakul sa co-feature.
“We are thrilled to host another world-class boxing event in General Santos City. Gensan hometown heroes Gaballo and Paras will face tough foreign fighters, so we ask everyone to support them," ingon ni Sanman CEO JC Manangquil.
Ang 26-anyos nga si Paras nagtinguha nga makakuha og tsansa nga makaaway para sa vacant IBF super flyweight title. Si Paras (23-3-1, with 17 KOs) ang No. 7 sa IBF rankings ug No. 20 sa WBC super flyweight division.
Si Thawornkham, 33-anyos, nga adunay record nga 24-3 with 19 KO, nagtinguha nga magpadayon ang iyang winning streak.
Sa laing bahin, si Gaballo nagpadayon sa iyang comeback gikan sa sakit nga first round upset loss kang Kenbun Torres sa miaging tuig. Human sa upset, nakadaog na si Gaballo og duha ka fights batok ni Jenny Boy Boca ug James Pagaling.
Ang 28-anyos nga si Gaballo (29-2 with 24 KOs) mao ang No. 12 sa IBF bantamweight rankings.
Samtang si Suwannakul bag-o pa lang sa pro ranks ug adunay record nga 5-3 (1 KO). / RSC