Si Ray Parks, Jr. maoy napili nga 2024-25 Japan B.League Impressive Asia Player of the Year.
Ikaduhang higayon nga usa ka Pilipino ang nakadaog sa sunod-sunod nga tuig sa top Asian Quota import award, human sa kadaugan ni Thirdy Ravena niadtong miaging season ubos sa San-En Neophoenix.
"I just want to thank the B.League for this opportunity to play and represent the Philippines internationally," matod sa Osaka Evessa star.
"To the young generation dreaming of playing abroad in such a big league, it's not just me. You can do it, too."
Ang 32-anyos nga si Parks mitali og average nga 13.6 puntos sa 41 porsyentong shooting, 4.2 rebounds, 2.8 assists, ug 0.9 steals sa iyang ikaupat nga tuig sa top division sa basketball sa Japan.
Dako ang papel ni Parks Jr. sa Osaka Evessa bisan pa sa ilang lisod nga regular season, diin nagtapos sila sa ikaupat sa West Division ug ika-13 sa kinatibuk-an nga may 29-31 nga record — kulang aron makasulod sa playoffs.
Bisan bag-o pa lang siya sa Osaka human sa tulo ka tuig nga duwa sa Nagoya Diamond Dolphins, iyang napakita nga lig-on ang iyang perimeter shooting, diin nakapuntos siya og 31.5 porsyento gikan sa three-point range sa 60 ka duwa.
“Thank you so much for giving us a platform to perform and showcase our talents, and I really am appreciative of this. I’m forever grateful,” ingon niya.
“To the Osaka fans for the unconditional love and support and the B.LEAGUE fans as a whole, thank you so much. Without you guys, we’re nothing.
“And to my family, for always supporting me even if they are far away, I definitely love them so much,” dugang niya. / RSC