Opisyal nang giproklamar niadtong Lunes, Mayo 19, 2025, si Congresswoman Girlie Veloso isip representante sa kongreso sa Malasakit@Bayanihan Partylist, human nidaog ang partido sa nasudnong eleksyon.
Ang iyang paglingkod sa katungdanan nagtimaan sa usa ka mahinungdanong kadaugan alang sa balaudnon nga gipaluyohan sa adbokasiya nga nagtutok sa kaayohan sa solo parents, panglawas sa publiko, ug pagdumala nga nakasentro sa katawhan.
Pasalamat sa Malasakit@Bayanihan
Ang proklamasyon gisugat sa pasalamat gikan sa grupo sa Malasakit@Bayanihan nga nagpasidungog sa kadaugan ngadto sa hilabihang suporta sa mga botante nga niuyon sa kinauyokang prinsipyo sa partylist sa serbisyo publiko: “malasakit sa tao, bayanihan sa kapwa, at pagmamahal sa bayan.”
Si Veloso nga nailhan sa iyang mga tuig sa serbisyo sa ehekutibo nga sanga ug sa iyang trabaho nga nakabase sa komunidad, gilauman nga ipunting ang iyang lehislatibong agenda sa pagseguro sa mas lig-on nga suporta alang sa solo parents, ingon man sa pagpalapad sa pag-access sa importanteng serbisyo sa panglawas, ug pagduso sa mga polisiya nga nakasentro sa katawhan nga magsumpay sa gintang tali sa balaod ug sa adlaw-adlaw nga kinabuhi.
Ang lingkuranan ni Veloso sa Kongreso niabot dihang ang mga huyang nga sektor padayon nga nanawagan alang sa mas responsive, human-centered policies.
Giawhag sa iyang kampo nga kini nga kadaugan usa ka mandato sa pagpadayon sa pro-people, pro-poor causes.
“Ang among katuyoan klaro: katawhan una, kanunay, sa tanan nga paagi,” matod sa partylist sa usa ka pamahayag.
“Ang inyong mga pakigbisog madungog. Ang inyong mga panginahanglan ipaglaban. Ang inyong dignidad depensahan.”
Ang grupo ni Veloso naglaraw na og mga plano sa pagduso sa hingpit nga pundo ug pagpatuman sa Expanded Solo Parents Welfare Act ug Malasakit Centers Act, kauban ang mga balaudnon nga gibase sa kahimsog ug mas lapad nga mga reporma sa sosyal nga proteksyon.
Isip usa sa mga bag-ong napili nga representante sa partylist, gilauman nga si Veloso magdala og lahi nga matang sa pagpangulo sa Balay sa Representante: grounded, purpose-driven, ug komitado sa lisod, dili madanihong trabaho sa tinuod nga reporma.
“Kini mao pa lang ang sinugdanan sa usa ka mas dako nga misyon: ang pagserbisyo uban sa gugma, ang paglihok uban sa paglaum, ug ang pagpangulo uban sa pagtuo,” padayon nga pamahayag sa partido.
“Karon, manglakaw kita uban sa malasakit sa atong kasingkasing, ug bayanihan sa atong mga kamot—para sa tao, para sa tinuod nga pagbag-o, ug para sa kinasingkasing nga pagserbisyo.”
Alang sa daghan nga mga tigpaluyo sa partido, ang proklamasyon ni Veloso labaw pa sa personal nga kalampusan—kini usa ka simbolikong lakang sa unahan alang sa mga solo parent, sa mga huyang sa panglawas, ug sa matag Pilipino nga dugay nang naghulat nga makita, madungog, ug matabangan. / SunStar Philippines