Pasahero miibot og kutsilyo su’d sa PUV; mipahibawo nga moambak sa taytayan

Pasahero miibot og kutsilyo su’d sa PUV; mipahibawo nga moambak sa taytayan
SunStar Local News GPX

Nangabulabog ug nagkagubot ang mga pasahero sa usa ka modern public utility vehicle (MPUV) nga magbiyahian sa dakbayan sa Lapu-Lapu ug Mandaue City dihang usa ka lalaki nga pasahero niibot og kutsilyo mga alas 11:30 sa udto sa Huwebes, Disyembre 28, sa Marcelo Fernan bridge, habig sa Brgy. Umapad, dakbayan sa Mandaue.

Dali’ng nakagawas ang mga pasahero dihang nakakita sa kutsilyo nga gidala ni Bobby Augustus, 44, ulitawo, taga Brgy. Mactan, Lapu-Lapu City.

Matod sa tigpamaba sa Mandaue City Police Offic (MCPO), Police Lt. Col. Rudolph Oriol, nga base sa imbestigasyon sa mga sakop sa Police Station 5, niasoy ang kundoktor nga si Nemy Mondejar Jurolan, nga si Augustus nisakay sa MPUV gikan sa Mactan New Town sa Lapu-Lapu City padung sa dakbayan sa Mandaue.

Pag-abot sa taytayan, nagpaabli kini sa pultahan sa sakyanan kay siya mokanaug aron molayat sa bridge.

Dayon nibunot kini sa iyang kutsilyo nga giluklok sa bulsa unya giwara-wara nga niresulta sa kahadlok sa mga pasahero.

Nihunong ang sakyanan ug nanganaug ang mga pasahero samtang si Augustus nagpabilin sa sulod.

Pagkahibawo sa kapulisan sa Station 5, daling niadto sila si Patrolman Johnrey Cuezon ug mga kauban ug gialam- alaman sa pagtahan.

Nakombinser kini nila ug nitahan. Ang suspek nga nasikop mag-atubang og kasong alarm and scandal.

Sa pagsuwat ning taho, wa pa nasuta kon unsay hinungdan nga nabuhat kadto sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph