Pasyente miambak sa ospital, patay

Pasyente miambak sa ospital, patay
SunStar Local News GPX

Namatay ang usa ka 55 anyos nga pasyente sa Vicente Sotto Memorial Medical Center (VSMMC) sa dan B. Rodriguez, dakbayan sa Sugbo human niambak gikan sa ikatulong andana sa edipisyo, pasado alas 10 sa buntag sa Huwebes, Abril 11, 2024.

Ang pasyente (ngan gipug­ngan sa Superbalita Cebu), taga Sitio Kalubihan, Barangay Luray 2, dakbayan sa Toledo, Lalawigan sa Sugbo.

Matod sa 50 anyos nga asawa nga giimbestigar sa Fuente Police Station nga na-admit ang iyang bana sa ospital niadtong Abril 8, 2024 nga gitakda unta nga operahan tungod sa iyang pancreatic mass.

Nabantayan sa asawa nga sa wala pa ang insidente, nag-alindasay kini nga daw sa dunay gikahadlukan nga unta hilumon man kini.

Tungod niini, ila kining gi-refer sa psychiatrist aron masayran unsay nakaingon nga nag-alindasay ang iyang bana.

Apan sa dihang migawas siya aron moadto sa pansayan sa pagtubag sa sugo sa lawas ug pipila ka minutos ang nakalabay, sa iyang pagbalik, wala na sa kama ang iyang bana.

Sa iyang paglili sa bintana sa ward, iyang nakita ang iyang bana nga nag buy-od na sa semento sa ground floor ug dali nga gidala sa Emergency Room sa tambalanan.

Gitabang siya sa mga doktor apan gideklarar nga patay na sa alas 10:46 sa buntag sa samang adlaw. / AYB, REV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph