Patay gisud og sako, gihug sa pangpang

■ GIUGKAT: Ang kapulisan ug mga rescuer sa lungsod sa Dalaguete, niugkat sa patay nga tawo nga gisud og sako nga napalga’ng gihulog sa pangpang sa Sityo Ilong Ilong, Barangay Santicon nga bukirang bahin sa lungsod sa Dalaguete, alas 7:00 sa buntag, Martes, Mayo 7, 2024. Estorya sa pahina 2. / Hulagway kuha ni Ronel Catalan
■ GIUGKAT: Ang kapulisan ug mga rescuer sa lungsod sa Dalaguete, niugkat sa patay nga tawo nga gisud og sako nga napalga’ng gihulog sa pangpang sa Sityo Ilong Ilong, Barangay Santicon nga bukirang bahin sa lungsod sa Dalaguete, alas 7:00 sa buntag, Martes, Mayo 7, 2024. Estorya sa pahina 2. / Hulagway kuha ni Ronel Catalan

Usa ka patay nga tawo nga gisud og sako, ang napalgan nga gihulog sa pangpang sa Sityo Ilong Ilong, Barangay Santicon nga bukirang bahin sa lungsod sa Dalaguete, alas 7:00 sa buntag, Martes, Mayo 7, 2024.

Wala pa kini mailhi atol ning pagsuwat ug baho na kini hinungdan nga nakit-an sa usa ka mangangahoy sa dapit human ang ulo niini nigimaw sa sako nga giputos og dahon sa saging.

Ang kapulisan ug ang mga sakop sa Badian Municipal Disaster Risk Reduction and Management Office (MDRRMO) ningtubag sa alarma.

Si Ronel Catalan, kinsa mao ang usa sa nakakuha og video ug hulagway sa hitabo, gikahinabi sa Superbalita Cebu, nihulagway nga nakapaalarma kini sa mga molupyo sa dapit.

Pasado ala una hapon sa Martes, Mayo 7, ang kapulisan uban sa Scene of the Crime Operatives (Soco) team, nangabot sa dapit aron pagkuha sa patay lawas sa tawo.

Nahinabi usab sa Superba­lita Cebu ang usa ka residente sa dapit nga si Maricel Villaroya Pepino nga patay nang napalgan sa manga­ngahoy nga lalaki nga pag-umangkon sa usa ka barangay konsehal sa dapit.

Ang kapulisan nagpdayon sa ilang pakisusi sa pag-ila sa patay ug kinsa ang nagtambog niini ngadto sa pangpang.

Nanawagan usab ang kapulisan sa publiko nga kon nawad-an o dunay missing sa ilang pamilya sa pagsusi niini sa ilang buhatan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph