Patay nakaplagan; giila sa iyang misis

Patay nakaplagan; giila sa iyang misis
■ NAG-UBO: Kini si Chris Fernandez Lastima, 42, minyo, taga Oliveros, Brgy. Can-asojan, siyudad sa Carcar, nakaplagang patay sa Biyernes sa kaadlawon, Hunyo 14, 2024 sa Sityo Nangkaan, Brgy. Perrelos, Siyudad sa Carcar. / TAMPO

Giila sa iyang asawa ang usa ka lalaki nga nakaplagan nga patay alas 2:40 sa kaadlawon sa Biyernes, Hunyo 14, 2024, nga may samad sa ulo sa Sityo Nangkaan, Brgy. Perrelos, Siyudad sa Carcar,

Ang biktima giila nga si Chris Fernandez Lastima, 42, minyo, taga Oliveros, Brgy. Can-asojan, siyudad sa Carcar, nagtrabaho sa lungsod sa Consolacion.

Nasayran sa Superbalita Ce­bu gikan sa imbestigasyon sa kapulisan sa dakbayan ubos sa kamanduan sa ilang hepe nga si P/Lt. Col. Bryan O’Niel Salvacion, nga basi sa asoy sa asawa, talagsa mouli ang iyang bana sa ilaha gumikan sa ka-busy niini sa trabaho.

Dako na lang ang ilang ka­kurat nga nakaplagan ang iyang bana nga patay na.

Base sa nakita sa kapulisan sa dapit, way timailhan nga dunay kaguliyang sa maong lugar hinungdan nga gisumiter sa autopsy ang lawas sa biktima aron masayran kon unsay nakasamad sa ulo niini.

Samtang, gisubay usab sa kapulisan ang kuha sa mga CCTV camera sa dapit nga gituohang makatabang sa imbestigasyon labina sa pagsuta sa hinungdan sa kamatayon biktima, kon wala bay foul play. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph