Patay nang milutaw sa Mactan Channel

PATAY: Ang lalaki nga naglutawlutaw sa Mactan Channel sa Dominggo sa buntag, Marso 24, 2024. /
PATAY: Ang lalaki nga naglutawlutaw sa Mactan Channel sa Dominggo sa buntag, Marso 24, 2024. / Hulagway tampo ni Raffy Goc-ong

Usa ka concerned citizen ang nitawag sa Consolacion Police Station ug nagpahibalo bahin sa patay nga tawo nga naglutawlutaw sa kada­gatan sa Mactan Channel sa tungatunga sa siyudad sa Lapu-Lapu ug sa Brgy. Tayud sa Consola­cion, alas 11 sa buntag, Dominggo, Marso 24, 2024.

Ang mga sakop sa Philippine Coast Guard ug Bantay Dagat mao ang ninghimo sa operasyon sa pagkuha sa lawas sa wa pa mailhing lalaki.

Ang maong lalaki gibanabanang nagpangidaron kini 50 ngadto sa 60 anyos ug gituhoan nga usa kini ka mana­nagat nga nalumos gumikan sa kabaworon sa dagat.

Ang patay unang gidala sa sa Eversly Child Sanitarium Hospital sa Brgy. Jagobiao sa siyudad sa Mandaue aron pag­hiling lawas niini.

Atol ning pagsuwat, nagpa­dayon ang imbestigasyon ni Police Staff Sgt. Roel W. Aquino sa Consolacion Police ubos sa kamandaon sa ilang hepe nga si Police Lt. Col. Verniño Noseralle. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph