Patay nga puya gisagol sa basura
Gisubay sa Mabolo Police Station ang responsabli sa paglabay sa usa ka patay nga puya sa garbage room sa usa ka condominium sa Barangay Apas, Cebu City niadtong Agusto 13, 2025.
Nakadawat og tawag ang kapulisan gikan sa guwardiya sa maong condo nga nagpahibawo nga adunay napalgan nga puya sa maong lugar hinungdan nga kini gisusi.
Matod sa housekeeper sa maong edipisyo nga si Novabelle Magallanes, 38, nga alas 5:00 sa hapon, dihang nisulod siya sa garbage room aron unta magputos sa mga basura, iyang nakita ang susamag gamay nga bata nga gisulod sa plastic bag.
Iyang nakumpirmar nga usa kini ka puya nga gibana-bana nga anaa na sa unom ngadto sa pito ka buwan nga batang lalaki diin dali siyang nangayo og assistance sa mga kauban ug nipahibawo sa ilang property manager. /