Patay nang nakaplagan nga naglutaw sa dagat ang usa ka lalaki, alas 10:47 sa buntag, Dominggo, Hulyo 21, 2024, sa Brgy. Langtad, Siyudad sa Naga.
Ang biktima giila sa ngan nga ‘Almark’, 39, minyo ug taga Upper Volta, Brgy. Pitalo, lungsod sa San Fernando.
Sumala sa Naga City Police Staion, ang mga rescuer nipahibalo nga may patay nga lawas nga napalgan sa dagat.
Girespondihan sa ilang imbestigador nga si P/Staff Sgt. Gilbert Ybañez ubos sa kamandoan sa hepe nga si P/Lt. Col. William Homoc.
Asoy sa asawa, nga sa alas 9 sa gabii, Sabado, Hulyo 20, nag-away sila sa iyang bana ug nilakaw kini.
Nakurat siya sa pagkahibalo nga patay na kini. / DVG