Dili madayon ang pagpakig-away ni social media influencer Jake Paul batok kang three-division world champion Gervonta “Tank” Davis sa usa unta ka exhibition bout karong Nobiyembre 14, 2025, sa Miami.
Mao kini ang gibutyag sa nagpasiugda sa away nga mao ang Most Valuable Promotions kaabag ang Netflix streaming service.
Hinuon gipasabot sa MVP nga paawayon gihapon nila si Paul sa dili pa mahuman ang 2025 apan sa laing petsa ug lain na nga kontra. / ESL