NAHISGOTAN sa mga balita ug NBA trade rumor nga posibleng mangita og paagi ang Philadelphia76ers aron makalingkawas sa $50-plus million nga annual contract ni Paul George.
Si George, nga naapektohan sa adductor ug knee injury nakaduwa lang og 41 games sa miaging season ug nag-average og 16.2 puntos, 5.3 rebounds ug 4.3 assists.
Sa iyang pagpakita sa Locked on Jazz podcast, giingon ni Andy Larsen sa Salt Lake Tribune nga interesado ang Sixers nga mo-trade sa ilang first-round draft pick ilis sa pick sa Utah Jazz basta makuha nila ang deal para ni George.
"I do think it's true that the Philadelphia 76ers are interested in trading down to number five, potentially, if they can get off the Paul George deal and that contract," matod ni Larsen.
Apan lahi pud ang tan-aw ni NBA reporter Jake Fisher kay matod niya nga wa siya kadungog nga seryoso ang Sixers sa maong trade.
Sigon niya nga bisan og po-sible ang trade tali sa Sixers ug Jazz, murag dili na kini mag-lakip kang Lauri Markkanen nga kaniadto usa ka All-Star.
Ang 35-anyos nga si George nasulod sa liga isip 10th overall pick tuig 2010, gi-draft siya sa Indiana Pacers ug niduwa sa maong franchise tuig 2010 ngadto 2017. Na-trade siya og naabot sa Oklahoma City Thunder (2017-2019), Los Angeles Clippers (2019-2024) ug 76ers (2024-present). / RSC