Nakakita ra dayon ang Most Valuable Promotions og bag-ong venue nga pahigayunan alang sa exhibition bout tali nila ni company founder Jake Paul ug Gervonta “Tank” Davis.
Usa lang ka adlaw ang nilabay human nianunsyo ang MVP nga niatras sila sa ilang aplikasyon aron ipahigayon ang away sa Georgia, ang kompanya nibutyag nga ipahigayon na kini sa Kaseya Center sa Miami.
Wala ra mausab ang orihinal nga petsa niini nga karong Nobiyembre 14, 2025.
Ipasalida ang away sa Netflix. / Gikan sa wires