NAGTINGUHA ang Los Angeles Clippers nga kuhaon pagbalik ang ilang kanhi pambatong pointguard nga si Chris Paul kinsa usa na karon ka free agent sa National Basketball Association (NBA).
Matod ni Clippers general manager Lawrence Frank nga seryuso kini nilang gikonsiderar human nipadayag si Paul nga gusto niining mobalik pagduwa sa LA.
Sa pagbiya ni Paul sa Clippers niadtong 2017, nagbalhinbalhin na siya pagduwa sa lima ka teams apan ang iyang pamilya pabiling nagpuyo sa West Coast diin sakop ang Los Angeles. / Gikan sa wires