Kombatihon ang Blitz Game ug Skills Challenge karong Sabado sa hapon, Marso 23, 2024, atol sa pagsugod sa Philippine Basketball Association (PBA) Season 48 All-Star Weekend sa University of St. La Salle gymnasium sa Bacolod City.
Unang ipahigayon ang Obstacle Course sugod karong alas 3:00 sa hapon unya mosunod ang Three-Point Shootout dayon ang panagsangka sa Team Greats batok Team Stalwarts.
Ning higayuna, gitangtang ang Slamdunk Contest ug gipuli niini ang laing Three-Point Shootout nga kombatihan sa big men sa liga.
Ang gikahinamang All-Star Game tali sa Team Japeth ug Team Barroca ipahigayon ugma. / ESL