Gibarugan sa Philippine Basketball Association (PBA) nga sakto ang desisyon sa ilang mga opisyal nga dili iapil sa kuwenta ang kontrobersyal nga puntos ni San Miguel Beermen bigman Mo Tautuaa sa hinapos nga bahin sa Game 1 sa Philippine Basketball Association (PBA) Season 49 Philippine Cup finals series niadtong Dominggo sa gabii, Hulyo 13, 2025, sa Smart Araneta Coliseum.
Posible unta mahimong bayani si Tautuaa dihang nahatagan niya ang Beermen og 98-97 nga labaw sa nahabiling 56 ka segundos human sila naggukod og 24 puntos pinaagi sa iyang kontrobersyal nga paghansak.
Niadtong gutloa, nasipyat si Tautuaa sa iyang paghansak apan niuntol ang bola sa ring ug nasulod kini.
Apan pagkataudtaod, gi-review kini sa PBA officials ug nadesisyunan nga nakahimo si Tautuaa og offensive basketball inteference hinungdan nga gikunhoran og duha ka puntos ang Beermen.
Sa pagpadayon sa duwa, nakuha sa Tropa ang kadaugan, 99-96.
“As you’ve seen in the replay, when Mo dunked in the last 56 seconds, nahila niya ‘yung ring pababa but the contention of the coaching staff was ‘yung bola was straight and entered the ring,” pasabot ni PBA Deputy Commissioner Eric Castro nga napatik sa www.gmanews.tv.
“Regardless kung may tamaan siyang part ng ring, the fact na nahila niya ‘yung ring pababa is a violation already. Considered na offensive basketball interference.”/ ESL