GIBUNTOG sa TNT Tropang 5G ug Rain or Shine Elasto Painters ang ilang kontra sa managlahi sa quarterfinals aron makasulod sa semifinals sa Philippine Basketball Association (PBA) Philippine Cup.
Gipatapsingan sa Tropang 5G ang Magnolia Chicken Timplados, 80-79, samtang gikastigo sa E-Painters ang NLEX Road Warriors, 103-92, sa quarterfinals, Sabado sa gabie, Hunyo, 21, 2025, didto sa Ninoy Aquino Stadium.
Kulbahinam ang tapos sa duwa sa Tropang 5G ug Magnolia. Ang 42-anyos nga beterano Kelly Williams maoy mialsa sa TNT pinaagi sa iyang duha ka free throws sa nahabiling 2.7 segundos nga maoy miselyo sa kadaogan.
"We're lucky Kelly made those two free throws. If it went into overtime I don't know if we could have lasted an extra five minutes," ingon ni TNT coach Chot Reyes.
Nakahimo si Williams ug 10 puntos ug 10 rebounds. Si Roger Pogoy and Calvin Oftana nibuhat og 18 puntos matag-usa, samtang si Brandon Ganuelas-Rosser nitali og 12 puntos og lima ka rebounds.
Samtang sa main game, gipa-ngulohan ni Leonard Santillan ang E-Painters sa iyang 24 puntos ug siyam ka rebounds. Niamot si Andrei Caracut og 17 puntos ug si Jhonard Clarito nidunol og 13 puntos ug 16 rebounds.
Nakompleto na ang cast sa semis finals. Ang Tropang 5G ug E-Painters maoy magsangka, samtang sa pikas semis matchup mao ang San Miguel Beermen ug Ginebra Gin Kings sa best-of-seven series.
Puntos matag-usa:
First Game
TNT (80) - Oftana 18, Pogoy 18, Ganuelas-Rosser 12, Williams 10, Enciso 7, Erram 4, Khobuntin 4, Heading 3, Nieto 2, Aurin 0, Vosotros 0.
Magnolia (79) - Lucero 15, Sangalang 14, Lastimosa 13, Dionsio 12, Dela Rosa 9, Barroca 8, Lee 4, Navarro 4.
Second Game
Rain or Shine (103) - Santillan 24, Caracut 16, Clarito 13, Asistio 11, Malonzo 10, Mamuyac 9, Tiongson 8, Nocum 5, Norwood 4, Porter 3.
NLEX (92) - Bolick 34, Bahio 11, Ramirez 10, Mocon 9, Fajardo 7, Semerad 6, Policarpio 5, Torres 4, Nieto 2, Valdez 2, Alas 2. / RSC