Mga duwa karon:
5:00 P.M. TNT Tropang 5G batok Rain or Shine Elasto Painters
7:30 P.M. San Miguel Beermen batok Barangay Ginebra Gin Kings
Mosikad na ang Philippine Basketball Association (PBA) Philippine Cup 49 Season semifinals diin magtigi ang dagkong teams sa SM Mall of Asia Arena Miyerkules, Hunyo 25, 2025.
Ablihan ang semis sa Grandslam-seeking TNT Tropang 5G batok sa Rain or Shine Elasto Painters sa first game alas 5 sa hapon dayong sundan kini sa San Miguel Beermen kontra Ginebra Gin Kings alas 7:30 sa gabii sa main game.
Ang head coach sa fan-favorite Gin Kings nga si Tim Cone nagkanayon nga lisod ikakontra ang Beermen labi na sa Philippine Cup nga mao ang paborito sa ilang kaatbang.
"It's their conference," sigon ni Cone.
Ang Beermen mosandig sa Sugboanong bigman Jun Mar Fajardo uban sila si CJ Perez, Moala Tautuaa, Don Trollano, Chris Ross, Marcio Lassiter, Juami Tiongson, Jericho Cruz, ug Rodney Brondial nga maoy core player sa Beermen.
Sa pikas bahin, ang mga saligando sa Gin Kings mao sila si Japeth Aguilar, Jamie Malonzo, Troy Rosario, Scottie Thompson, Stephen Holt, ug RJ Abarrientos.
Sa first game, ang E-Painters nagbitbit sa tinguha nga makalingkawas sa unang sa semis ug masulod sa Finals sa unang higayon sukad 2016 Commissioner’s Cup.
Niangkon si E-Painters head coach nga lisod gyud nga babag ang Tropang 5G, pero dili sila moatras sa tahas sa best-of-seven semis match.
"TNT, champion team going for a Grand Slam. But andiyan kami, lalabanan namin sila. Tingnan natin kung hanggang saan 'yung aabutin naming,” matod niya.
Samtang si TNT coach Chot Reyes nagatubang og hagit kay ang key players sa team adunay mga gipamati nga injury.
Whoever we play here (semis) they're all going to be very hungry," matod ni Reyes. "They're not going to give up so we have to be ready. There's no other way. Hahanapan na lang namin ng paraan and whoever is healthy we'll go with them. / RSC