BASE SA PCG: Mao kini ang padayon nga gitrabaho nga edipisyo sa Philippine Coast Guard (PCG) sa Pag-asa Island nga dunay mga modernong kagamitan sama sa radar. / PCG
BASE SA PCG: Mao kini ang padayon nga gitrabaho nga edipisyo sa Philippine Coast Guard (PCG) sa Pag-asa Island nga dunay mga modernong kagamitan sama sa radar. / PCG

PCG mibukas og base sa Pag-asa Island

Ang Philippine Coast guard nag-inagurar og bag-ong monitoring base sa Biyernes, Disyembre 1, 2023, sa usa ka hilit nga isla nga giokupar sa mga pwersang Filipino sa gikasungian nga South China Sea samtang ang Manila nagpaspas sa mga paningkamot sa pagkombati sa nagkadaghang agresibo’ng aksyon sa China sa estratehikong agianan sa tubig.

Nisamot ang komprontasyon tali sa mga barko sa China ug Pilipinas karong tuiga sa gikasungian nga kadagatan, nga niresulta sa ginagmay apan makapaalarma nga panagbangga niadtong Oktubre duol sa giilugan nga Second Thomas Shoal nga giokupar sa usa ka Filipino marine contingent.

Ang engkwentro sa kadagatan nakapukaw sa kahadlok sa usa ka mas dako nga kasungian nga mahimo'ng maglakip sa Estados Unidos, nga balik-balik nga nagpasidaan nga kini obligado nga sa Pilipinas, ang labing karaan nga kaalyado niini sa Asia, kon ang mga pwersa nga Filipino, barko ug ayroplano mapailalom sa armadong pag-atake , apil sa South China Sea.

Giakusahan sa China ang US nga nanghilabot sa usa ka panagsungi sa Asya ug nagpasiugda sa panagsumpaki sa rehiyon.

Si National Security Adviser Eduardo Año ug ang ubang mga opisyal sa Pilipinas milupad paingon sa Thitu Island sakay sa air force plane niadtong Biyernes ug nangulo sa seremonyas sa pag-abli sa bag-ong natukod, duha ka andana nga sentro nga adunay radar, ship-tracking ug uban pang kagamitan sa pagmonitor - na-install na o idugang sa sayong bahin sa sunod tuig — aron mamonitor ang mga aksyon sa China sa gilalisan nga kadagatan ug uban pang mga problema, lakip ang mga aksidente sa dagat.

“It’s no longer gray zone. It’s pure bullying,” sulti ni Año sa mga reporter human sa ceremony, naghulagway sa mga aksyon sa Chinese nga mga barko nga nakalapas sa international law.

Sa ulahi nga pagtan-aw pina­agi sa usa ka gitaod nga teleskop­yo sa isla, si Ano ñiingon nga iyang nakit-an ang labing menos 18 ka gidudahang mga barko sa militia sa China nga nagkatag sa Thitu, lakip ang usa ka barko sa navy sa China. (HDT)

SunStar Publishing Inc.
www.sunstar.com.ph