PDEA 7 midoble sa ilang monitoring

PDEA 7 midoble sa ilang monitoring
SunStar Local News GPX

Gidoble pa karon sa Philippine Drug Enforcement Agency (PDEA 7) ang ilang monitoring subay sa nagkaduol na ang Pasko ug pagsugat sa Bag-ong Tuig tungod sa posibling pagsaka sa demand sa ilegal nga drugas sa Central Visayas.

Matod ni Leia Alcantara, information officer sa PDEA 7, nga ning panahon sa Pasko daghan og kwarta ang mga tawo gumikan sa mga bonus nga ilang nadawat nga tungod ani mosaka usab ang panginahanglang supply sa drugas.

Timailhan ani kadtong nasakmit nga 10 kilos nga gituohang shabu sa mga sakop sa Regional Police Drug Enforcement Unit diin ang maong supply gikan sa National Capital Region (NCR).

Giangkon ni Alcantara nga sa mga border control sama sa pantalan duna pay angayan nga palambuon human nga naka lusot niadtong miaging semana ang 10 kilos nga shabu gikan sa Luzon.

Apan iyang giklaro nga karong mga panahona human gipatuman ang One Cebu Inter-Agency Interdiction Task Force estrikto na gyud ang mga pantalan uban sa mga counterpart niini sama sa PNP ug Philippine Coast Guard.

Dunay gipakatap nga mga K9 Units sa mga pantalanan sa Central Visayas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph