Drug personality nadakpan sa buy-bust sa mga sakop sa Philippine Drug Enforcement Agency Bohol Provincial Office uban sa Bohol Maritime Police station sa Purok 3, Barangay Aliguay, Maribojoc, Probinsya sa Bohol ala 1 sa kaadlawon sa Huwebes, Pebrero 15, 2024.
Ang suspek giila nga si Godfrey Tare, 43, taga Loay, Bohol.
Nakuha sa mga operatiba ang 21 ka mga pakete sa gituohang shabu nga motimbang og 105 gramos nga dunay estimated market price nga P714,000, lakip na ang buy bust money, cellular phone ug usa ka motorsiklo.
Matod ni Leia Alcantara, information officer sa PDEA7, nga dul-an duha ka buwan nila nga gipaubos sa case build up ang suspek, kinsa giingong makabaligya og og 100 gramos matag semana.
Kalapasan sa Section 5, ug 11 Article II sa Republic Act 9165 kun Comprehensive Dangerous Drugs Act of 2002 ang ipasaka nga kaso sa PDEA 7 batok sa suspek.