HUMAN ang kapin usa ka dekada, mobalik sa Sugbo ang tingog nga nagpaluyo sa sikat nga mga kanta sa Norwegian band nga Fra Lippo Lippi nga si Per Øystein Sørenson.
Si Per mobisita sa Sugbo karong Agusto 15, 2025 alang sa usa ka concert sa Events Space sa The Circle sa TOPS sa Barangay Busay, Dakbayan sa Sugbo.
"Per Sørensen will perform beloved Fra Lippo Lippi classics that have captivated audiences worldwide, including "Every Time I See You," "Stitches and Burns," "Beauty and Madness," "Later," and many more timeless hits," sa press release sa TOPS.
Ang maong banda nahimong sikat dili lang sa Norway apan sa tibuok kalibutan niadtong dekada '80 ug '90.
Ang tickets sa maong concert mamahimong mapalit sa TOPS Souvenirs Shop ug sa Montebello Villa Hotel nga anaa sa P7,000 ang VIP section ug P5,000 ang Gold section.
Dalit sa mga Sugbuanon ang maong concert nga gi-produce sa TOPS, Live Artists Management, Montebello Villa Hotel, ug TMC 105.1 FM. / PR