Gituohang mapiangan og laing usa ka haligi ang Gilas Pilipinas sa ilang pagpakigbatok sa two-time defending champion Australia Boomers sa quarter-finals sa Fiba Asia Cup karong Miyerkules sa alas 7:00 sa gabii, Agusto 13, 2025, sa Jeddah, Saudi Arabia.
Ning sangkaa, gikadudahan kon makaduwa ba sa Gilas si CJ Perez, kinsa nakasinati og angol (ankle) sa ulahing bahin sa 2nd quarter atol sa overtime nga daog sa Gilas batok sa host Saudi Arabia, 95-88, ning Martes sa kadlawon, Agusto 12.
Batok sa Saudi, ang Gilas ningkombati nga wala si Calvin Oftana, kinsa adunay sab angol (sprained ankle). / ESL