Nakaseguro na og medalya si Filipina boxer Nesthy Petecio sa Paris Olympics human siya nakasulod sa semi-finals pinaagi sa paguntog ni Chinese Xu Zichun sa China pinaagi sa unanimous decision sa women’s featherweight class quarter-finals niadtong Dominggo sa gabii, Agusto 4, 2024, sa Paris Olympics.
Si Petecio, kinsa nakaangkon og silver medal sa niaging edisyon sa matag upat ka mga tuig nga kompetisyon sa Tokyo, Japan, mitudlo og leksyon sa iyang kontra sa kinatibuk-ang tulo ka rounds nga away.
Ning maong kadaugan ni Petecio, nakaseguro na og upat ka mga medalya ang Pilipinas nga posible pa nga madugangan.
Pipila lang ka mga minutos human sa kadaugan ni Petecio niadtong Dominggo, naangkon ni gymnast Carlos Yulo ang iyang ikaduang gold medal sa kompetisyon.
Ang laing boksidor nga si Aira Villegas nakaseguro na sab daan og medalya human siya nakasulod sa semi-finals sa 50 kg class. / ESL