Nagkinahanglan na lang og tagsa ka daog ang Filipina boxers nga sila si Nesthy Petecio ug Aira Villegas aron maka-qualify alang sa 2024 Paris Olympics.
Kini human nakasulod sa semi-finals si Petecio sa women’s 57kg category samtang nakaabante si Villegas sa quarter-finals sa 50kg event sa 1st Olympic Qualifying Tournament sa Busto Arsizio, Italy ning Lunes, Marso 11, 2024 (PH time).
Sa kategoriya ni Petecio, ang makaabot lang sa finals ang maka-qualify sa Olympics samtang ang upat ka semi-finalists sa kategoriya ni Villegas.
Nakasulod sa semi-finals si Petecio pinaagi sa 5-0 nga kadaugan batok kang Maud van der Toorn sa Netherlands samtang nakataak sab sa quarter-finals si Villegas pinaagi sa 5-0 sab nga kadaugan batok kang Sofie Vinter Rosshaug sa Denmark. / ESL