Nangayo og dugang suporta gikan sa gobiyerno ang mga miyembro sa Philippine Gymnastics Team alang sa ilang kampanya sa qualification events sa 2028 Los Angeles Olympics.
Si team captain Justine De Leon niingon nga mas taas nga panahon ang ilang mahatag sa training kon aduna lang igong mga ekipo sama sa mats ug uban pang mas komportableng training facility.
“Ang pinaka dinadaing talaga namin ‘yung sobrang init po sa gym namin… Sa Japan po, airconditioned tapos sobrang laki ng gym then kumpleto sa mats. Hindi ka mai-injury kasi safe ‘yung lalandingan mo,” pasabot ni De Leon nga napatik sa www.abs-cbnnews.com.
Gani, matod ni De Leon nga adunay higayon nga mahutdan sila og chalk nga maoy ilang gamiton aron mas mohugot ang paggunit sa gymnasts sa nagkadaiyang gymnastics apparatus.
Ang national team mangandam na’g sugod alang sa 2025 Southeast Asian Games, tipik sa ilang preparasyon alang sa Olympics. / ESL