Mas gipalapdan sa Philippine Health Insurance Corporation (PhilHealth) ang coverage niini sa outpatient malaria services ngadto sa 50 porsyento gikan sa P780 ngadto sa P1,170 aron palig-unon pa ang pakigbatok sa nasod sa maong sakit.
Parte kini sa pasalig sa ahensiya nga mawagtang na ang maong sakit sa tuig 2030 human kini misaka niadtong nakalabay nga tuig.
Sa Pilipinas, ang Palawan lamang ang nahabiling probinsiya nga aduna’y aktibo nga mga kaso sa malaria.
Niadtong 2024, miabot sa 8,898 ka mga kaso ang natala sa Palawan, 41.5 porsyento kini nga pagsaka sa mga kaso niadtong 2023 nga anaa lang sa 6,285.
Sagad sa mga kaso sa malaria sa Palawan anaa gikan sa habagatang bahin niini, diin ang lungsod sa Rizal nakatala og 62 porsyento sa sumatotal nga mga kaso.
Uban mga dapit sa Palawan nga natala ang maong sakit mao ang Brooke's Point, Bataraza, Quezon, ug Sofronio Española.
Nadeklarar na sa Department of Health (DOH) Research Institute for Tropical Medicine (RITM) nga malaria-free ang 72 sa 82 ka mga probinsiya sa nasod.
Madungangan pud ang benefit sa uncomplicated cases sa malaria. /CAV,PR,JJL