Nibida na sab si UAAP Season 86 MVP Kevin Quiambao sa laing dakong kadaugan sa Philippine squad Strong Group Athletics (SGA) batok sa Lebanon team Beirut Sports Club (BSC), 95-73, kagahapon sa buntag, Miyerkules, Enero 24, 2024, sa 33rd Dubai International Basketball Championship.
Ang 6’6” nga produkto sa De La Salle University (DLSU) Green Archers nipakatap og 20 puntos aron pangulohan ang kadaugan, nga maoy ikaupat nga naposte sa SGA sa samang gidaghanon nga duwa.
Usa na lang ka daog ug maharos na sa SGA ang ilang mga tahas sa group phase nga makahatag kanila og seguradong luna sa quarter-finals.
Sa pagpangulo nila ni Quiambao ug kanhi National Basketball Association (NBA) All-Star, ang SGA nakaposte dayon og 15-5 nga labaw ug nakontrolar na nila ang duwa gikan niadto.
Puntos matag usa:
SGA (95) - Quiambao 20, Moore 19, Heading 15, Cagulangan 12, Howard 11, Escandor 6, Blatche 3, Liwag 3, Baltazar 2, Roberson 2, Sanchez 2.
BSC (73) - El Darwich 28, Haidar 15, Tucker 14, Saleh 8, Rabay 3, Ghudwin 3, Mahmoud 2. / ESL