Nasugakod sa Philippines squad Strong Group Athletics (SGA) ang pagpanghudlat sa Homenetmen sa Lebanon aron irehistro ang ikatulo nilang sagunson nga kadaugan sa samang gidaghanon nga mga duwa, 104-95, kagahapon sa buntag, Lunes, Enero 22, 2024, sa 33rd Dubai International Basketball Championship sa Al Nasr Club sa Dubai, United Arab Emirates.
Ning higayuna, gipangulohan ni kanhi National Basketball Association (NBA) All-Star Dwight Howard ang SGA pinaagi sa iyang 32 puntos, niamot og 19 puntos si UAAP Season 86 MVP Kevin Quiambao samtang nitunol og 18 puntos si Andray Blatche.
Sayong ningratsada ang Lebanese team ug nakaposte dayon kini og siyam ka mga puntos nga labaw.
Human niini, nagbangis na’g sugod si Howard aron pabangunon ang SGA gikan sa pagkalubong deretso na paingon sa kadaugan.