Sa labing unang higayon, nakasulod sa finals ang usa ka Philippine squad sa Dubai International Basketball Championship.
Nahitabo kini human gipangmakmak sa Strong Group Athletics ang Beirut Sports Club, 94-72, kagahapon sa buntag, Enero 28, 2024 (PH time).
Nagpadayon ang maayong duwa nila ni kanhi National Basketball Association (NBA) All-Star Dwight Howard ug Filipino rising star Kevin Quiambao aron pangulohan ang kadaugan.
“We didn’t come here to lose,” matod ni Howard, sa usa ka interbyu nga na-post sa social media account sa SGA. “We got one more day. It’s gonna come hard and pretty aggressive, and this is ours, I believe.”
Gipangulohan ni Howard ang kadaugan pinaagi sa iyang 26 puntos samtang niamot og puntos si Quiambao, kinsa usa ka produkto sa La Salle Green Archers.