Phoenix buhi pa

Phoenix buhi pa
Basketball (File Photo)

Makakita pa og laing pagsid­lak sa adlaw ang Phoenix Super LPG Fuel Masters human nila nabawsan ang Magnolia Chicken Timplados Hotshots, 103-85, sa Game 3 sa Philippine Basketball Association (PBA) Season Commissioner’s Cup semi-finals series kagahapon, Enero 28, 2024, sa Mall of Asia Arena sa Pasay City.

Sa kadaugan, napahakan sa Fuel Masters ang bintaha sa Hotshots sa best-of-five series, 2-1.

Ang Fuel Masters, nga nakatilaw og kapildihan sa Game 1, 82-78, ug Game 3, 82-79, nagpaingon na unta sa kaw-it sa panamilit human sila nalubong og 21 puntos sa 1st half.

Apan sa hinayhinay, ninggukod ang Fuel Masters hangtod nga nailog nila ang labaw, 60-58, pinaagi sa three-point shot ni RJ Jazul sa nahabiling 3:48 minutos sa 3rd quarter.

Tataw human ning higayuna, ningtapon na sa Fuel Masters ang momentum sa duwa.

Ang tulo ka sunodsunod ug wala’y tubag nga three-point shots ni Jazul maoy nakai­nat sa labaw sa Fuel Masters ngadto sa 85-71 sa nahabiling 8:31 minutos.

Human niini, wala na motugot ang Fuel Masters nga mapahak sa single digit ang ilang labaw.

Gipangulohan ni Jazul ang kadaugan pinaagi sa iyang 17 puntos, 15 niini gikan sa three-point area.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph