Phoenix miabante sa semis

Phoenix miabante sa semis
Basketball (File Photo)

Gipalagpot sa Phoenix Super LPG Fuel Masters ang Meralco Bolts, 88-84, sa ilang quarter-finals knockout game niadtong Dominggo sa gabii, Enero 21, 2024, sa Philippine Basketball Association (PBA) Season 48 Commissioner’s Cup sa Mall of Asia Arena sa Pasay City.

Sa kadaugan, nakaabante sa semi-finals best-of-five series ang Fuel Masters diin ilang ikaharong ang top seed Magnolia Chicken Timplados Hotshots sugod karong Miyerkules, Enero 24, 2024.

Sa laing parisan sa semis, magtagay ang magsuong puwersa sa San Miguel Beermen ug Brgy. Ginebra Gin Kings.

Sa quarter-finals, ang Fuel Masters naggunit og twice-to-beat nga bintaha isip benepisyo sa ilang pagkasulod sa top 4 human sa elimination round.

Sa premiro nilang pagsuway og ambak sa semis, gipakyas sila sa Bolts niadtong Enero 17, 2024.

Ning higayuna, gipagawas sa Fuel Masters ang tanan nilang ikabuga ug napahimuslan gyud nila ang ilang nakuhang twice-to-beat nga benepisyo.

Mao kini ang labing unang higayon nga nakabalik sa semis ang Fuel Masters sukad niadtong 2020 Philippine Cup.

Nirehistro og double-double 21 puntos ug 16 ka rebounds si Johnathan Williams III aron pangulohan ang Fuel Masters.

Ang nakanindot pa, usa ra ka turnover ang nahimo ni Williams.

Puntos matag usa:

Phoenix (88)- Williams 21, Perkins 19, Jazul 13, Tuffin 10, Mocon 9, Tio 6, Alejandro 4, Rivero 4, Garcia 2, Muyang 0, Manganti 0, Lalata 0, Daves 0, Verano 0, Camacho 0.

Meralco (84) - Newsome 15, Hodge 15, Maliksi 15, Miller 12, Quinto 11, Black 7, Banchero 7, Almazan 2. Quarters: 30-22, 55-43, 77-62, 88-84.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph