Phoenix Suns dunay bag-ong coach

Phoenix Suns dunay bag-ong coach
Basketball (File Photo)

Niuyon si Mike Budenholzer sa tanyag nga head coach position sa Phoenix Suns, matod pa sa reliable nga source sa Associated Press sa Sabado, Mayo 11, 2024 (RP time).

Mopuli ang 54-anyos nga si Budenholzer kang Frank Vo­gel, kinsa gitaktak sa Suns management human sa usa ka season ug first-round playoff sweep. Nabutlog ang Suns sa best-of-seven series sa first round kontra sa Minnesota Timberwolves.

Gibalita sa ESPN ug The Athletic ang sweldo ni Budenholzer nga mokabat ngadto sa $50 milyunes o P2.8 bilyones sulod sa lima ka tuig.

Si Budenholzer nga taga Holbrook, Arizona maoy nigiya sa Milwaukee Bucks ngadto sa 2021 NBA championship. Ang ilang gipilde sa Finals mao ang Suns.

Sulod sa 56 ka seasons nakasulod og katulo sa Finals ang Suns pero wa pa gyud sila makadaug og NBA title. / RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph