GITINGUHA sa Lungsod sa Pilar, Camotes ang pag-angkon og sea ambulance aron masulbad ang kakuwang sa doktor ug mapadali ang pagdala sa pasyente ngadto sa mainland sa Cebu.
Matod ni Bise Mayor Chizlina Maratas, naglisud ang 12,000 ka residente sa isla kay walay klarong Municipal Health Officer (MHO) ug dili usab mosukol ang mga doktor tungod sa kalayo sa lugar ug kakuwang sa gamit.
Ang lungsod nagplano unta nga mopalit og sea ambulance apan kuwang ang pundo nga P1.3 milyon.
Gisuwayan nila nga I-re-align kini isip multipurpose travelling vessel tungod sa mga lagda sa COA nga nagkinahanglan og mga permits ug lisensya alang sa mga drayber sa sea ambulance.
Sa laing bahin, si Cebu Governor Pamela Baricuatro nipasalig nga palambuon ang healthcare system sa probinsya ug nagtinguha usab nga makabaton og sea ug air ambulance. Gilauman nga iduso niya kini nga concern ngadto sa presidente sa iyang pagbisita sa MalacaƱang karong Septiyembre.
Samtang alang sa kakuwang sa doktor, gipahibalo ni Dr. Nikki Catalan, provincial health consultant, nga gisusi nila ang posibilidad nga ha-tagan og insentibo ang mga doktor nga ma-deploy sa mga hilit nga lugar sa probinsya. / ANV