Pilipinas aduna na’y 22 athletes nga mokombati sa Olympics

Nadugangan og duha ang mga atleta sa Pilipinas nga naka-qualify na alang sa nagkaduol nga 2024 Paris Olympics.

Gibutyag sa Philippine Sports Commission (PSC) nga ang labing ulahing mga atleta sa nasod nga naka-qualify sa matag upat ka mga tuig nga kompetisyon mao ang hurdlers John Cabang Tolentino ug Lauren Hoffman.

Si Tolentino, kinsa usa ka Spain-based athlete nga naggunit og Philippine national record, ni-qualify sa men’s 110m hurdles.

Mao kini ang labing unang higayon nga makaduwa si Tolentino sa Olympics.

Samtang si Tolentino, kinsa usa ka US-based athlete, ni-qualify sa women’s 400m hurdles.

Usa sab ka record holder sa Pilipinas si Hoffman.

Makig-uban sila si Tolentino ug Hoffman ni world number two pole vaulter EJ Obiena isip representante sa Pilipinas sa athletics sa Paris Games, nga sugdan karong Hulyo 26, 2024..

Sa kasamtangan, aduna na’y 22 ka mga atleta ang Pilipinas nga mokombati sa Paris Games. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph