Gipangulohan nila ni Ramon Fernandez, Bogs Adornado, ug Robert Jaworski ang katapusang Philippine national basketball team nga nakabuntog sa Australia, nga nahitabo 51 ka mga tuig na ang nakalabay.
Niadtong higayuna, Hulyo 8, 1974, gipakaging sa mga Pinoy ang Australians, 101-100, sa World Championship for Men sa San Juan, Puerto Rico.
Ang ubang mga sakop sa Philippine team niadtong higayuna mao sila si Abet Guidaben, Francis Arnaiz, Yoyong Martires, Manny Paner, Jimmy Mariano, Joy Cleofas, Tembong Melencio, Alberto Reynoso, ug Dave Regullano.
Niadtong panahuna, kining maong puwersa sa Pilipinas nakalabni og titulo sa Asian Basketball Confederation (ABC) Championship, nga mao na ang FIBA Asia Cup sa kasamtangan.
Gikan niadtong 1974, pulos na dagkong kapildihan ang nasinati sa puwersa sa Pilipinas batok sa Australia. / ESL