Dul-an na man tuod sa usa ka dekada nga wala nagduwa si James Yap sa Magnolia Chicken Timplados Hotshots sa Philippine Basketball Association (PBA) apan siya lang gihapon ang nagsilbeng imahe sa team.
Mao kini ang gipabuhagay sa kanhi kauban ni Yap sa Magnolia nga si Marc Pingris.
Gipasabot ni Pingris nga dili mapapha ang marka nga gibilin ni Yap dihang nagduwa kini sa maong prankisa diin nakadaog siya og duha ka season MVP awards, upat ka Finals MVP awards ug pito ka mga kampyunato lakip na niini ang grand slam niadtong 2014.
Alang ni Pingris, ang Magnolia, nga kanhi Purefoods Hotdogs, mao ang ikaduhang labing bantugang team sa PBA sunod sa Brgy. Ginebra Gin Kings.
“Yung Purefoods franchise, James Yap pa rin ‘yan. Siya ang mukha ng Purefoods nuon - hanggang ngayon. Not Marc Pingris, not Kerby Raymundo. Si James Yap ang face ng Purefoods,” matod ni Pingris nga napatik sa Spin.ph. / ESL