Gisug-an na ang 20-foot nga “Paskong Pinoy Christmas tree” sa Arrival Atrium sa Terminal 1 sa Mactan Cebu International Airport (MCIA).
Ang MCIA nga giila nga premier destination gateway sa nasod mipasigargo sa ilang Filipino-themed Paskong Pinoy celebration.
Gipahigayon ang ceremonial lighting sa maong Christmas tree nga gipangulohan ni Lapu-Lapu City District Representative Ma. Cynthia ‘Cindi’ King-Chan, Lapu-Lapu City Mayor Junard ‘Ahong’ Chan, MCIA Chief executive advisor Subhash Murickenchery, ug MCIA assistant general manager Glen Napuli.
Miduyog sa kalihukan ang performances sa NPO Seven Spirit Orchestra ug Indiana Aerospace University Performing Arts Guild.
Makalingaw sab ang paglugwa sa nag-viral nga patrol dog sa MCIAA’s K9 unit nga si Lorenzo nga kanunay’ng magpatrolya sa baggage claim carousel sa maong tugpahanan.