Usa ka Pinoy nga tripolante ang na-missing human nagbangga sa kadagatan sa amihanang-sidlakang baybayon tali ang usa ka chemical tanker ug ang usa ka container ship.
Mao kini ang gipahibalo karon sa Deparment of Migrant Workers (DMW) niadtong Huwebes, Marso 13.
Sa pamahayag sa ahensiya, nagkanayon kini nga ang maong panagbangga sa kadagatan tali kini sa MV Solong ug sa oil tanker nga Stena Immaculate nga nahitabo buntag niadtong Marso 10 (UK time) sa Humber Estuary, Hull.
"The (missing) seaman was last seen at the bow of the vessel, the area of the ship that caught on fire after the massive explosion," matod sa DMW.
Ang ubang walo ka mga Pinoy nga tripolante sa MV Solong, luwas ra nga na-rescue ug kasamtangan nga gipahimutang sa usa ka hotel sa Grimsby sa London karon nga gihuwat ang ilang repatriation.
Subay sa maong panagbangga, miresulta kini sa usa ka sunog nga padayon pa karon nga giimbestigar.
"The LMA (licensed manning agency) has personally informed the family of the missing seafarer about the situation and has committed to providing them with daily updates," matod sa DMW.
"The DMW is in close coordination with the LMA and the families of the affected seafarers to ensure that all necessary assistance and support are being provided during this difficult time," dugang niini. / TPM/SunStar Philippines