Sirad-an sa Kagamhanan sa Lungsod sa Minglanilla ang pipila ka mga dalan subay sa pagpahigayon sa Sinulog sa lungsod karong Dominggo, Enero 28, 2024.
Nag-unang sirad-an mao ang karsada atubangan sa Immaculate Heart of Mary Parish sugod ning adlawa, Biyernes, Enero 26, hangtod na sa adlaw sa Sinulog.
Gipahibalo sa Kagamhanan sa Minglanilla nga mopatuman og rerouting scheme alang sa himuon nga street dancing atol sa Sinulog.
Dili paagian ang dan 18 De Julio gikan sa Tulay Port paingon sa simbahan sa Immaculada Concepcion.
Ubang detalye sa rerouting naa sa website sa Minglanilla.
Hinuon, ang kapulisan ug traffic officers mogiya usab sa motorista alang sa hapsay nga sitwasyon sa trapiko sa maong adlaw.