Nakalingkawas sa eliminasyon ang Detroit Pistons human nila kawata ang Game 5 sa balwarte sa New York Knicks, 106-103, sa NBA first-round playoff series sa Madison Square Garden kagahapon.
Gipangulohan ni Cade Cunningham ang Pistons sa iyang 24 puntos, walo ka rebounds ug walo ka assists para makapugos ang Pistons og Game 6 balik sa ilang korte.
“Everybody’s got a back’s-against-the-wall type of mentality, but the group really loves being around each other and I think that was one of the biggest things,” sigon ni forward Tobias Harris “Like, we don’t want this thing to stop. Like, we’ve got to keep on fighting.”
Nidungag si Ausar Thompson og 22 puntos samtang si Harris mitunol og 17 puntos para sa Pistons. Ang Game 6 duwaon karong Biyernes (PH time) ug kon dunay Game 7 itakda karong Dominggo. / RSC