NANGGUBA: Ang mga sakop sa Prevention, Restoration, Order, Beautification and Enhancement (Probe) team nangguba sa mga istruktura nga nakababag sa sidewalk sa Barangay PIt-os, dakbayan sa Sugbo.
NANGGUBA: Ang mga sakop sa Prevention, Restoration, Order, Beautification and Enhancement (Probe) team nangguba sa mga istruktura nga nakababag sa sidewalk sa Barangay PIt-os, dakbayan sa Sugbo. Arnold Y. Bustamante

Pit-os girumbo sa Oplan Disiplina

Gitutokan ang Barangay Pit-os, Dakbayan sa Sugbo sa pagpatuman sa Oplan Disiplina sa Huwebes, Pebrero 29, 2024.

Usa kini ka mando sa Executive Order number 9 ni Cebu City Mayor Michael Rama alang sa kalimpyo ug kahapsay labina sa kadalalan ug mga agianan sa tubig.

Matod ni Police Colonel Ireneo Dalogdog, hepe sa Cebu City Police Office (CCPO) ug chairman sa Oplan Disiplina, ang tanang mga ordinansa sa Dakbayan ilang ipatuman sama sa obstruction sa kadalanan, traffic rules and regulations ug uban pa.

Gipangbungkag sa mga sakop sa Prevention, Restoration, Order, Beautification and Enhancement (Probe) team ang mga nakaali sa sidewalk.

Gipangkarga ang mga motorsiklo nga gipataka lang sa pag-park nga nakamugna og kahuot sa dagan sa trapiko, lakip na sa pagpara sa mga motorista nga way helmet, overloading, way lisensya ug ubang violations.

“Yes, na maintain nato to kay ang magpadayon sa pag implementar niana mao ang atong mga barangay officials. Naa man silay Barangay Peacekeeping Action Team or uban pang force multiplier nga naa sa ilang barangay alalayan sa atong kapulisan, mapadayon gihapon nila pag-implementar,” matod ni Dalogdog.

Una nang nipahibawo si Rama nga gitinguha niya nga ang matag barangay himuon nga Cebu City-like barangay aron mahimo’ng nindot ug limpyo ug luwas sa mga kri­minal.

Apan giangkon sa mayor nga dili nila kini makab-ot kon walay tabang ug suporta gikan sa publiko. / AYB

Related Stories

No stories found.
SunStar Publishing Inc.
www.sunstar.com.ph