Human sa ilang kalampusan sa pag-promote og boxing events sa bag-uhay lang ninglabay nga tuig, ang PMI Bohol Boxing Promotions naghan-ay nang daan og duha ka dagkong boxing promotions alang sa 2024.
Mopakita og aksyon ning maong mga promosyon ang duha sa pambatong mga boksidor sa PMI nga sila si Virgel Vitor ug one-time world title challenger Regie Suganob.
Si Vitor modepensa sa iyang World Boxing Organization (WBO) Oriental super featherweight belt batok ni South Korean Tae Sun Kim sa main event sa “Kumong Bol-anon XIV’, posible sa Convention Center sa Henann Convention Centera sa Henann Resort Bohol sa Panglao karong Marso 8, 2024.
Sa iyang bahin, si Suganob modepensa sa iyang WBO Global light flyweight title batok sa wala pa mailhi nga Mexican fighter, nga posibeng ipahigayon sa Sugbo. / EKA