Naka-full alert na ang Philippine National Police (PNP) sugod kagahapon Sabado, Mayo 3, isip pagpangandam alang sa 2025 national ug local elections.
Sa interview kang PNP chief General Rommel Marbil niadtong Biyernes, Mayo 3, nagkanayon kini nga 100 porsyento sa ilang puwersa ang naka-deploy na karon sa mga kadalanan aron magpabilin nga luwas ug himutang bag-o ug human ang piniliay karong Mayo 12.
Matod ni Marbil nga sagad sa ilang gipakatap anaa sa Bangsamoro region.
Ubos sa full alert status, tanang police personnel dili pwede nga mag-leave aron masiguro nga anaa’y igong personnel nga makatap.
"We will make sure this is the safest election po," matod ni Marbil.
Sa pamahayag ni Police Lieutenant General Bernard Banac, commander sa Area Police Command - Western Mindanao nagkanayon nga malinawon ang Bangsamoro Autonomous Region karon nga pipila nalang ka adlaw bag-o ang piniliay.
Matod niya 2,831 ka PNP personnel, nga gilangkuban sa 3,734-strong Special Electoral Board gikan sa 14 ka Police Regional Offices ug PNP Maritime Group, ang ipakatap sa lainlaing lokalidad sa lima ka probinsiya ug tulo ka siyudad sa Bangsamoro Region.
Nakig-coordinate na sab sila sa Armed Forces of the Philippines ug Philippine Coast Guard alang sa luwas ug malinawon nga piniliay sa rehiyon.