PNP nagbansay para mahimong cybercops

CEBU. The Police Regional Office-Central Visayas (PRO 7) in Cebu City.
CEBU. The Police Regional Office-Central Visayas (PRO 7) in Cebu City.File photo

Gipalambo sa kapulisan sa Pilipinas ang cyber security tungod sa nagkadaghan nga nabiktima sa mga kriminal nga naggamit sa internet.

Tungod niini, ang Philippine National Police (PNP) nagbansay og mga personnel aron batukan ang cyber crime pinaagi sa pag-abag sa ubang ahensya sa gobiyerno.

Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa Police Regional Office (PRO 7), nga dunay mga personnel sa kapulisan sa Central Visayas nga gipaubos sa maong training aron i-upgrade ang ilang technical expertise sa pagsusi labi na sa cyber crime offenses.

Kung matapos na, ang matag police station dunay duha ka personnel nga well-trained cybercops nga maoy moatiman sa publiko nga nabiktima diha sa online.

Apan gipahibawo ni Pelare nga kung dinagko na nga krimen ug maglisod na ang police station sa pag sulbad niini dinhi na mosulod ang buhatan sa Anti-Cyber Crime Unit sa ma­tag rehiyon nga dunay kapasidad ug kahimanan pag gukod sa online criminals.

Bisan pa man niini miawhag ang kapulisan sa publiko nga dili magpabiktima sa internet ilabi na nga dili na katuohan ang mga pasalig sanglit mao kini kasagaran nga hinungdan nganong daghan ang mabiktima.

Giangkon sa kapulisan nga daghan ang modangop sa mga police station tungod kay nabiktima sila sa online scammer bisan pa man nga gihimo na sa gobiyerno ang tanan sama sa SIM registration.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph