Ang legendary nga seklista nga si Tadej Pogačar usa nalang ka tikang ang gihuwat para pormal nga makuha ang iyang ikaupat nga Tour de France title.
Naghupot gihapon og dako nga labaw si Pogačar batok sa iyang karibal nga si Jonas Vingegaard padulong sa Stage 21 nga mao ang final leg sa pinakadako nga cycling event sa kalibutan, ang Tour de France.
Ang Australianong siklista nga si Kaden Groves midaug sa stage 20 pinaagi sa usa ka ulahing solo breakaway, samtang si Pogačar nihuman kapin pito ka minutos.
Nanguna si Pogačar og 4 minutos, 24 segundos kontra sa ni Vingegaard, samtang ang German nga si Florian Lipowitz naa sa ikatulo nga puwesto, 11:03 ang kuwang para sa general classification.
Gawas lang kon adunay grabe nga crash o sakit, gilauman nga mosaulog si Pogačar karong adlawa ang iyang kadaogan.
“I am more or less sure of my overall victory, but I still don't want to say anything about it. I want to stay focused until I have crossed the finish line in Paris,” matod pa ni Pogačar. “That's one of the most beautiful parts of this sport. We are 180 guys who spend weeks riding in the mountains and in the end, all of a sudden, we come to the streets of one of the biggest cities in the world.”
Apan dili parehas sa kasagaran nga “processional” nga closing stage, ang final stage karon adunay tulo ka sunod-sunod nga climbs nga makahatag pa og hagit sa katapusan. / RSC