Polis: Ex-con ‘mopatay’ sa tag P30K nga suhol

‘GUN FOR HIRE’: Si Reynaldo Frizas, 31,  dunay kapuyo, taga Brgy. Mambaling, dakbayan sa Sugbo, gipusasan sa Mambaling police human masikop tungod sa ilegal nga pagdala og armas. Giila siya sa kapulisan nga usa ka gun-for-hire. Estorya sa pahina 2. / GUAM P. LOGROÑO
‘GUN FOR HIRE’: Si Reynaldo Frizas, 31, dunay kapuyo, taga Brgy. Mambaling, dakbayan sa Sugbo, gipusasan sa Mambaling police human masikop tungod sa ilegal nga pagdala og armas. Giila siya sa kapulisan nga usa ka gun-for-hire. Estorya sa pahina 2. / GUAM P. LOGROÑO

Usa ka ex-convict nga suspetsado nga gun-for-hire napusasan ug nakuhaa’g armas alas 6 sa Biyernes sa buntag, Pebrero 9, 2024 sa Sitio Ibabao, Brgy. Mambaling, dakbayan sa Sugbo.

Ang suspek gihulagway sa kapulisan nga modawat og P25,000 ngadto sa P30,000 matag tawo nga iyang patyon.

Si Reynaldo Frizas, 31, dunay kapuyo, nagpuyo sa nahisgutang lugar, nasikop ug nakuhaan og usa ka .22 kalibre nga revolver nga may duha ka mga bala.

Si Police Lt. Loreto Tuliao, deputy police chief sa Mambaling Police Station nga nahinabi sa Superbalita Cebu, nagkanayon nga gialarma ang suspek nga nagdala’g armas ug nahadlok ang mga residente hinungdan nga nanawag og polis.

Nasurprisa ang suspek sa pag-abot sa mga polis ug wala na siya nakaipsot.

Matod ni Tuliao, nga ila karong gisubay ang mga impormasyon nga si Frizas maoy suspek sa pipila ka mga pagpamusil patay sa Mambaling.

Wala nila isalikway nga dunay target ang suspek niadtong higayuna.Nadakpan siya sa kaso’ng illegal possession of firearm ug nakagawas niadtong 2023.

Apan ang suspek nga nahinabi sa Superbalita Cebu nanghimakak sa mga pasangil sa kapulisan.

Gibutyag niya nga ang armas nga iyang gidala gipanag-iya sa iyang higala, iya lang gihuwaman.

Nagdala siya sa armas isip depensa sa iyang kaugalingon.

Ang suspek gitanggong sa Mambaling Police Station ug gitakdang pasakaan og kaso nga ilegal nga paghupot og armas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph