Polis midumbol sa trailer truck, patay

Sibonga.
Sibonga. Google map

Namatay ang polis human nabangga ang iyang motorsiklo sa trailer truck nga nag-park daplin sa karsada sa Sitio Gahad, Brgy. Poblacion, lungsod sa Si­bonga, alas 11 sa gabii, Martes, Mayo 7, 2024.

Ang biktima giila nga si Patrolman John Anthony Quintao, 28, ulitawo, taga lungsod sa Siaton, Negros Oriental ug nadestino sa Regional Mobile Force Batallion (RMFB 7) sa Camp Ceperino Genovia, Brgy. Bahay, lungsod sa Sibonga.

Samtang, gitanggong si Tereso Sumbaquil Dela Rosa, 44, minyo, drayber sa trailer truck, taga Brgy. Lamac, lungsod sa Sibonga.

Si Police Staff Sgt. Bricel Ricaborda, traffic investigator sa Sibonga Police Station nga nahinabi sa Superbalita Cebu, ang biktima'ng polis padulong mo-duty gikan sa norte nga bahin sa Sugbo.

“Kusog ang impact kay napilit man siya sa likod trailer truck. Unya naa tumong gyud sa iyahang nawong mao grabi naangkong kadaot sa polis,” sumala ni Ricaborda.

Gidali sa pagdala sa Carcar District Hospital apan gideklarar nga dead-on-arrival (DOA).

Matod ni PSSGT Ricaborda, ang drayber sa trailer truck nibutyag nga iyang gi-park ang trak kay nihapit sa ilang grahian.

Nagkuha siya’g budget alang sa pagbiyahe sa probinsiya.

Sumala sa drayber nga nagkupot na siya manobela aron molarga dihang kalit nga nipaka ang likod sa trailer truck. Wa nila mailhi gilayon ang biktima. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph